محراب مسجد نبوی

محراب مسجد نبوی

مسجد نبوی میں اس وقت دو محراب ہیں ایک محراب وہ جو مسجد کے قدیمی احاطے میں تھا جس میں ہمارے آقا حضور جان عالم صلی الله علیہ وسلم امامت فرمایا کرتے تھے اور دوسرا محراب جس کی تصویر آپ دیکھ رہے ہیں یہ حضرت عثمان غنی رضی الله عنہ کے دور خلافت میں بنایا گیا جس میں امیر المومنین حضرت عثمان غنی رضی الله عنہ امامت فرمایا کرتے تھے اور آج بھی یہ محراب موجود ہے اور اسی میں امام امامت کے فرائض سر انجام دیتا ہے

محراب کا آغاز امیر المومنین حضرت عمر رضی الله عنہ کے دور خلافت میں ہوا پرانے وقتوں میں مسافروں کے لئے مسافر خانے کا اہتمام نہیں تھا تو رات بسر کرنے کے لئے مسافر مسجدوں میں تشریف لے آتے نفلی اعتکاف بھی کرتے الله عزوجل کی عبادت میں اپنی رات بسر کرتے 

کئی دفع ایسا ہوتا کہ مسافر قبلہ کی سمت تلاش کرنے میں مشقت اٹھاتا تو حضرت عمر فاروق اعظم رضی اللہ عنہ نے یہ خوبصورت قدم اٹھایا اور باہمی مشاورت سے مسجد کے اندر قبلہ سمت میں محراب تعمیر کروایا تا کہ مسافر پر قبلہ کی سمت واضح رہے 

تو آج تک مسجدوں میں محراب کی تعمیر ہوتی ہے شرعی طور پر محراب مسجد کا حصّہ نہیں کہلاتے اس لئے اور مناسب جگہ نہ ہونے کی وجہ سے محراب میں اذان وغیرہ دی جاتی ہے کیونکہ مسجد میں اذان دینا شرعی طور پر درست نہیں ہے 

الله سے دعاہے کہ ہم سب کو مسجد نبوی ک محرابوں کی زیارت نصیب کرے آمین ثم آمین 

گنبد خضرا

گنبد خضرا خدا تجھ کو سلامت رکھے 

دیکھ لیتے ہیں تجھے پیاس بجھا لیتے ہیں 

ہر عاشق اس دن کا منتظر ہے کہ جس دن وہ اپنی سر کی آنکھوں سے گنبد خضرا کا نظارہ کرے اعلحضرت فرماتے ہیں کہ 

حاجیو آؤ شہنشاہکا روضہ دیکھو 

کعبہ تو دیکھ چکے کعبے کا کعبہ دیکھو 

کیا بات ہے اعلحضرت کی الله الله ہر موقع پر عاشقوں کی نمائندگی کرتے ہیں 

اس گنبد کو گنبد خضرا سبز ہونے کی وجہ سے کہاجاتا ہے عربی زبان میں اخضر سبز رنگ کو کہاجاتا ہے کیونکہ اس شان والے گنبد کا رنگ سبز ہے اس لئے اس کو گنبد خضرا کہاجاتا ہے 

اس سے پہلے جو گنبد سرکار صلی الله علیہ وسلم کی قربت کے مزے لوٹ رہا تھا وہ نیلے رنگ کا تھا اور اس سے بھی پہلے جو جلوہ گر تھا وہ سفید رنگ کا تھا ابھی سبز رنگ میں جلوہ گر ہے جس کا نظارہ عشاق بڑے شوق سے کرتے ہیں 

ایک بات ذہن نشین رہے کہ کسی بھی گنبد کو شہید نہیں کیا گیا بلکہ ایک کے اوپر دوسرے کی تعمیر کی گئی 

اس گنبد خضرا پر دھات کی تہ چڑھی ہوئی ہے اور تصویر میں جس مقام کو نمایاں کیا گیا ہے وہ گنبد خضرا کا روشن دان ہے

 

کعبے کی عظمتوں کا منکر نہیں ہوں لیکن 

کعبے کا بھی ہے کعبہ میٹھے نبی کا روضہ 

الله عزوجل ہماری زندگی میں وہ دن ہمیں نصیب کرے کہ ہم دیارمحبوب پر جا کر اپنی حسرتیں پوری کریں اور گنبد خضرا کے دیدار سے اپنی آنکھوں کو منور کریں آمین 

خدا خیر سے لاے وہ دن بھی نوری

مدینے کی گلیاں بہارا کروں میں 

********

مسجد قبا شریف

زائرین مدینہ منورو جب مدینہ پاک پہنچتے ہیں تو سب سے پہلے ان مو مسجد قبا شریف کا دیدار میسر آتا ہے

                                                           

مسجد نبوی کی تعمیر ک باوجود ہر ہفتہ کو سرکار دوعالم صلی الله علیہ وسلم مسجد قبا شریف کا پیدل سفر اختیار فرماتے مجھے اس موقع پر سیدی اعلحضرت کا شعر یاد آ رہا ہے کہ 

گزرے جس راہ سے وہ سید والا ہو کر 

ہو گئی سری زمیں عنبر سارا ہو کر 

مسجد قبا شریف کی فضیلت کے کیا کہنے کہ حضرت سہل بن حنیف رضی اللہ عنہ سے مروی ہے رسول الله صلی الله علیہ وسلم نے فرما یا جس نے گھر میں وضو کیا پھر مسجد قبا آ یا اس میں نماز پڑھی اس کے لئے عمرے کا اجر ہے اسے احمد نسائی اور ابن ماجہ نے روایت کیا اور حاکم نے اسے صحیح قرار دیا 

زائرین مدینہ یہاں حاضر ہو کر نوافل ادا کرتے ہیں اور عمرے جیسا ثواب رب کے فضل سے پاتے ہیں 

اس مسجد کے قرب میں وہ کنواں تھا جس میں حضرت عثمان غنی رضی اللہ عنہ کی انگوٹھی گری تھی ابھی اس کنویں کو موجودہ حکومت نے بند کر دیا ہے 

اس مسجد قبا شریف کے نزدیک ہی مسجد فجر بھی موجود ہے جو کہ بغیر چھت کے صرف چار دیواری پر مشتمل ہے وہاں کھجور کے درخت ہوا کرتے اور جب کبھی سرکار مدینہ سے باہر تشریف لے جاتے تو صحابہ مسجد فجر کے درختوں پر چڑھ کر سرکار کو دیکھتے کہ سرکار مدینہ صلی الله علیہ وسلم تشریف لا رہے ہیں یا نہیں 

الله الله 

الله عزوجل سے دعاہے کہ ہر مسلمان جو اپنے دل میں مدینہ پاک کی محبت لئے ہووے ہے اس کو مدینہ پاک کی با ادب با ذوق اشکوں بھری حاضری نصیب ہو 

لے رضا سب چلے مدینہ کو 

میں نہ جاؤں ارے خدا نہ کرے 

**************************************************

فضائل و خصائص مصطفیٰ صلی الله علیہ وسلم

تذکرہ فضائل و خصائص مصطفیٰ صلی الله علیہ وسلم 

حبیب خدا صلی الله علیہ وسلم کے خصائص و فضائل کو بیان کرنا اور یاد کرنا دونوں جہانوں میں فلاح کا موجب ہے 

خصائص کی چار اقسام ہیں 

وہ واجبات جو مصطفیٰ کریم صلی الله علیہ وسلم سے خاص ہیں مثلا نماز تہجد 

وہ احکام جو مصطفیٰ کریم صلی الله علیہ وسلم پر ہی حرام ہیں ، دوسروں پر نہیں مثلا تحریم زکوٰۃ 

وہ مباحات جو سرور عالم صلی الله علیہ وسلم سے خاص ہیں مثلا نماز بعد عصر \

وہ فضائل و کرامات جو حضور انور صلی الله علیہ وسلم سے مخصوص ہیں 

مثلا حضور اقدس صلی الله علیہ وسلم کے اسماے مبارکہ میں تقریبا ستر ٧٠ نام وہی ہیں جو الله عزوجل کے ہیں 

المدینہ نیٹ ورک کا تعارف

المدینہ نیٹ ورک

 

المدینہ نیٹ ورک میں اپنے تمام ساتھیوں کو خوش آمدید کہتا ہوں 

  المدینہ نیٹ ورک کو پیش کرنے کا مقصد آپ لوگوں کو مدینہ منورہ کے فضائل اور اس سے متصل زیارات کے بارے میں آگاہ کرنا ہے 

یقیناً ہر مسلمان کے دل میں مدینہ پاک کی محبّت شدید تر ہے اور کیوں نہ ہو کہ مدینہ پاک کو نسبت پیارے آقا احمد مجتبیٰ 

حضرت محمّد مصطفیٰ صلی الله علیہ وسلم سے ہے

مدینہ اس لئے عطار جان و دل سے ہے پیارا 

کہ رہتے ہیں میرے آقا میرے دلبر مدینے میں

یقیناً آپ سب لوگ اس بلاگ سے جڑے رہیں گے اور اپنی نیک تمناؤں کا اظہار کرتے رہیں گے 

AL-MADINA NETWORK